Բարև ձեզ, մեր շատ սիրելի համաքաղաքացիներ: Համոզված ենք,որ բոլորի տրամադրությունը հիմա շա՜տ բարձր է, չէ՞ որ սկսել են տոները.
Կապանը պատրաստվում է Նոր տարվան:
Քաղաքը հիանալի տեսք ունի, ամբողջովին պատվել է լույսերով:Եղանակն էլ մեր կողմից է և բարենպաստ պայմաններ է ստեղծում:
Առևտրի սրահներում եռուզեռ է. բոլորը ցանկանում են Նոր տարին նոր իրերով դիմավորել: Այդպիսի վիճակ է նաև մթերքի խանութներում:
Ամեն տեղ մեծ թվով ակցիաներ են, որոնք ավելի են ոգևորում անհանգիստ բնակչությանը: Անկասկած, եթե այսպես շարունակվի, խանութպաններին եկամտաբեր տարի է սպասվում:
Մշակութային կյանքը նույնպես շատ աշխույժ է: Մշակույթի կենտրոնում կազմակերպված համերգները հաջորդում են մեկը մյուսին:
Երաժշտական և պարային խմբերը ներկայացնում են իրենց նոր համարները: Սիրելի երգիչների հետ բեմում պարում են նաև Ձմեռ պապն ու Ձյունանուշը:
Տոնական ներկայացումներ են սկսվել Ալ. Շիրվանզադեի անվան թատրոնում: Բոլոր ծնողներին առաջարկում ենք երեխաների հետ անպայման այցելել և որոշ ժամանակ իրենց զգալ հեքիաթում:
 |
Մի խոսքով, եկե՛ք վայելենք միշտ այսքա՜ն հաճելի ու երջանիկ օրերը: Բարի ժամանց!
Комментариев нет:
Отправить комментарий