Ու՞ր է կորել մաքրասիրությունը....

Հարգելի՛ համաքաղաքացիներ, թույլ տվեք խոսել մի երևույթի մասին, որը համարվում է մեր թերություններից մեկը:

Մենք ապրում ենք մի փոքրիկ քաղաքում: Այն գեղեցիկ է, բայց կան շատ երևույթներ, որոնք քողարկում են այդ գեղեցկությունը: Դրանցից մեկը, ցավոք,մաքրասիրության բացակայությունն է:

Ամբողջ քաղաքում կան աղբարկղեր, որոնց մեծ մասը գրեթե միշտ դատարկ են լինում: Եվ ինչի՞ մասին է դա վկայում. աղբը նետվում է ոչ համապատասխան վայրեր:

Հատկապես ապշեցուցիչ է այն, որ աղբի մնացորդները նետում են աղբարկղերից մի քանի քայլ հեռավորության վրա: Ուղղակի անհասկանալի է՝ ի՞նչն է պատճառը:

Երևի պատճառն այն է, որ մենք ամեն ինչ բարդում ենք մեկս մյուսի վրա և չունենք սեփական պատասխանատվության զգացում: Շրջապատի մաքրությունը յուրաքանչյուր մարդու բարոյական պարտականությունն է: Եվ ուրիշ ո՞վ պետք է մտածի մեր միջավայրի մասին, եթե ոչ մենք:

Եկե՛ք ընդգծենք մեր քաղաքի գեղեցկությունը, այլ ո՛չ թե փակենք այն մութ շղարշով: Մաքուր պահե՛նք մեր քաղաքը, որպեսզի կարողանանք բարձր պահել մեր գլուխները: Հետևե՛նք միջավայրի մաքրությանը, որպեսզի ինքներս մեր մեջ դաստիարակենք 
մաքրասեր հասարակություն:

Երաժշտական-գրական ցերեկույթ

Թե ուզում ես երգդ լսեն,

Ժամանակիդ շունչը դարձիր,

Կապվիր նյարդով յուրաքանչյուր

Քո օրերին ու քոդարին,

Կյանքը սիրիր լիահնչյուն

Ու մի դավիր քո քնարին…

Ե.Չարենց

Այսօր Կապանի N2 ավագ դպրոցի միջին օղակի շնորհալիները երաժշտական-գրական ցերեկույթ էին պատրաստել, որը տեղի ունեցավ Կապանի N1 հիմնական դպրոցում: Երեխաները մեկ անգամ ևս հիշեցրին, որ հայ մեծանուն բանաստեղծների ու կոմպոզիտորների երկերը, դիմանալով դարերի փորձությանը, դառնում են բոլոր ժամանակների շունչը: Միշտ հին ու նոր, միշտ թարմ ու թարմացնող երաժշտությունն ու խոսքը շոյում են տարբեր սերունդների լսողությունն ու հոգին, զարգացնում ու հարստացնում միտքն ու ներաշխարհը, բարձրացնում գեղարվեստական ճաշակը:

Սայաթ-Նովայի, Եղիշե Չարենցի, Համո Սահյանի, Էմմա Միհրանյանի, Ալեքսեյ Հեքիմյանի և այլ աներկրորդելի տաղանդների գործեր այսօր հնչեցին երեխաների շուրթերից:

Երգչախումբը փայլեց իր երգերով (ղեկավար՝ Նարա Թևանյան), փոքրիկ Միլենան՝ իր հեզաճկուն պարով, Մերի Պետրոսյանը՝ հիանալի դաշնամուրային կատարմամբ, իսկ բոլորին շատ սիրելի Ռազմիկ Հարությունյանը՝ իր քաղցր ձայնով:

Երեխաները ապացուցեցին, որ դպրցի մասնատվելը, այնուամենայնիվ, չկոտրեց իրենց մշակութային հոգին և սերը դեպի գեղեցիկը:

Հինգերորդցի փոփքրիկները քիչ էին տարբերվում հմուտ պարողներից. Իրենց պարի մեջ դրել էին մեծ սեր, հոգի և ջերմություն:

Աշակերտները մեծ սիրով իրենց բարձր տրամադրությունը փոխանցեցին դահլիճին: Բոլորն ուրախ էին և շարունակ ծափահարում էին:

Վերջում խոսքը տրամադրեցին Կապանի N1 հիմնական դպրոցի տնօրեն Հասմիկ Համբարձումյանին: Վերջինս հայտնեց իր հիացմունքն ու երախտագիտությունը, որ երեխաներն այսօր հասկանում են մշակույթի կարևորությունը յուրաքանչյուրիս կյանքում և գեղեցիկ ձևով ներկայացնում մնացածներին:

Մեզ թվում է, որ յուրաքանչյուր ազգի կյանքում մշակույթը մի առանձնահատուկ դեր է կատարում և ժողովուրդը միշտ պետք է պահպանի ու զարգացնի այն, քանի որ հենց մշակույթն է ներկայացնում ազգի հոգին ու ներաշխարհը:

Ծնունդդ շնորհավոր, Ձմե՛ռ պապ!

Սիրելի՛ Կապանցիներ, այսօր մեր շատ սիրելի Ձմեռ պապի ծննդյան օրն է:

Եկեք շնորհավորենք:

Ինչպես գիտենք Նա Նոր տարվա և Ծննդյան տոների խորհրդանիշներից է. Այցելում է տներ, երեխաներին նվերներ է բաժանում, մասնակցում է տոնական հանդիսությունների:

Արևելասլավոնական դիցաբանության մեջ Ձմեռ պապը ձմեռային սառնամանիքների տիրակալն է` կապույտ կամ կարմիր քուրքով, երկար ու սպիտակ մորուքով, տաք վալենկաներով ու գավազանով: Ապրել է սառցե խրճիթում: Սառնամանիքներն այդ Ցրտի շնչառությունն են, սառցալուլաները՝ արցունքները, եղյամը՝ սառած բառերը, ձնե ամպերը՝ մազերը: Ցուրտը ձմեռնամուտին վազում է դաշտերով, գավազանով հարվածում աջ ու ձախ և սանձահարում ու սառեցնում գետերն ու  լճերը (սա իհարկե առասպել է):

Սակայն ժամանակի ընթացքում մարդիկ փոխել են իրենց հայացքներըՁմեռ պապի նկատմամբ. նա վերածվել է նվիրատուի և երեխաներին ցանկալի հյուրի: Ավելին, Ձմեռ պապի կողքին  հայտնվել է նրա թոռնուհին՝ շիկահեր Ձյունանուշը, դարձել Ձմեռ պապի օգնականը:

2005 թ-ին Ռուսաստանում պաշտոնապես որոշել են Ձմեռ պապի ծննդյան օրը՝ նոյեմբերի 18-ը, և ծննդավայրը՝ Մեծ Ուստյուգը: Այդպես նախընտրել են երեխաները, որովհետև հենց այդ օրվանից են սկսվում սառնամանիքներն ու իսկական ձմեռը Մեծ Ուստյուգում, որտեղից էլ Ձմեռ պապը  ճանապարհ է ընկնում իր ավանդական սահնակով:

Սանտա Կլաուսը հագնում է կարմիր բաճկոն՝ սպիտակ մորթիով, և կարմիր անդրավարտիք, գլխին՝ կարմիր գլխարկ: Նրա հայրենիքը Լապլանդիան է` Սկանդինավյան թերակղզում` բևեռային գծից  հյուսիս:

Տարբեր ժողովուրդներ Ձմեռ պապին անվանում են տարբեր կերպ.անգլիալեզու ժողովուրդները՝ Սանտա Կլաուս, ֆինները՝ Յոուլուպուկկի, լիտվացիները՝ ՍյանիսՇալտիս, ֆրանսիացիները՝ Պեր Նոել, իտալացիները՝ Բաբբո Նատալե, Կիպրոսի հույները՝ Վասիլ,վրացիները՝ Թովլիս Բաբուա, ադրբեջանցիները՝ Շախտա Բաբա, ղազախները՝ Այազ Աթա, կայենները՝Պակկայնե և այլն…

Սիրելի՛ Ձմեռ պապ, հուսով ենք՝ դու կայցելես մեզ այս տարինույնպես: Անհամբեր սպասում ենք քեզ: Համոզված ենք, որ չնայած նրան, որ Կապանը շատ փոքրիկ քաղաք է, այն չի վրիպի քո բարի աչքից:

Ծնունդդ շնորհավոր, Սանտա՛…